संजय राठोड

यवतमाळ : आर्णी तालुक्यातील आमणी येथील 43 वर्षीय शेतकरी मांगीलाल उकंडा चव्हाण या शेतकऱ्याने विष प्राशन करून घराशेजारीच असलेल्या भिंतीजवळील रस्त्यावर आत्महत्या केल्याची खळबळजनक घटना उघडकीस आली आहे. या घटनेची फिर्याद मृतकाचा पुतण्या नरेंद्र हजारी चव्हाण 36 वर्ष राहणार आसरा याने आर्णी पोलीस स्टेशनला फिर्याद दिली आहे. मृतक शेतकऱ्याकडे पाच एकर शेती असून महिंद्रा फायनान्स व बँक ऑफ इंडिया या बँकेचे कर्ज असल्याचा बोललं जात आहे. (Yavatmal News Todays)

तिकडे यवतमाळ जिल्ह्यातील बाभूळगाव तालुक्यातील आसेगाव देवी वरून एक किलोमीटरवर असलेल्या चोर उमरी मारुती मंदिराजवळ शेतकर्‍यांनी वडाच्या झाडाला गळफास घेऊन आत्महत्या केल्याची खळबळजनक घटना उघडकीस आली आहे. नरसिंग राठोड वय ४५ राहणार मांगुळ तालुका नेर असे मृतकाचे नाव आहे. नरसिंग राठोड हा गेल्या चार दिवसांपासून बेपत्ता होते. त्याच्याकडे तीन एकर शेती असून ते मिस्तरी काम करायचा. त्याची मागे दोन मुलं दोन मुली पत्नी असा परिवार आहे.

नरसिंग राठोड याचा खून करून झाडाला लटकविण्यात आले असा आरोप नरसिंग राठोडच्या नातेवाईकांनी केला आहे. पुढील तपास यवतमाळ ग्रामीण पोलिस स्टेशनचे पोलिस निरीक्षक किशोर जुंघरे करीत आहे. या घटनेमुळे मांगुळ गावात हळहळ व्यक्त केली जात आहे.

Edited By: Pravin Dhamale