Satara : खूनाच्या प्रयत्नाप्रकरणात उच्च न्यायालयाने अटकपुर्व जामीन फेटाळल्यानंतर सातारा पालिकेचे माजी नगरसेवक विनोद उर्फ ​​बाळू खंदारे (balu khandare) सातारा पाेलिसांना साेमवारी शरण आला. शहर पोलिसांनी त्याला अटक (satara police arrests former corporator vindo khandare) करून जिल्हा न्यायालयात हजर केले असा न्यायालयाने खंदारे यास दाेन दिवसांची पाेलिस काेठडी सुनावली आहे.

दीड वर्षापूर्वी तालीम संघनजीक सनी भोसले याच्यावर पिस्तूल दाखवून प्राणघातक हल्ला केल्याप्रकरणी विनाेद उर्फ बाळू खंदारे याच्यासह 15 जणांवर गुन्हा दाखल हाेता. या प्रकरणात खंदारे याने अटकपुर्वसाठी उच्च न्यायालयात धाव घेतली हाेती.

उच्च न्यायालयाने नुकताच बाळू खंदारे याचा जामीन अर्ज फेटाळला. त्यामुळे खंदारे स्वत: पोलिसांना साेमवारी शरण आला. सातारा शहर पोलिसांनी त्याला अटक केली. त्यानंतर पोलिस निरीक्षक भगवान निंबळाकर यांनी खंदारे यास न्यायालयात हजर केले. न्यायालयाने दाेन्ही बाजूच्या युक्तीवादानंर बाळू खंदारे याला दोन दिवसांची पोलिस कोठडी सुनावली.

दरम्यान माजी नगरसेवक बाळू खंदारे हा आमदार शिवेंद्रसिंहराजे भाेसले (shivendraraje bhosale) यांच्या नगरसविकास आघाडीचा सदस्य आहे. तसेच फिर्यादी सनी भाेसले हा खासदार उदयनराजे भाेसले (udayanraje bhosale) गटाचा आहे. त्यामुळे खंदारेच्या अटकेनंतर राजकीय वर्तुळात चर्चा रंगली हाेती. (Maharashtra News)

Edited By : Siddharth Latkar