धुळे : धुळे जिल्ह्यातील साक्री तालुक्यामध्ये असलेल्या पिंपळनेर पोलिस ठाण्याच्या हद्दीमध्ये मोठ्या प्रमाणात दारूची अवैधपणे वाहतूक करण्यात येणार असल्याची माहिती पोलीस अधिकाऱ्यांना गुप्त माहितीदारामार्फत मिळाली होती. या माहितीच्या आधारे पिंपळनेर पोलिसांनी सापळा रचला असता पिंपळनेर सटाणा या रस्त्यावर दोन चार चाकी वाहने पोलिसांना संशयितरित्या आढळून आली.

हे देखील पहा -

या दोन्ही वाहनांना थांबवून त्यांची तपासणी केली असता त्यामध्ये मोठ्या प्रमाणात विविध कंपन्यांची दारु आढळून आली आहे. पोलिसांनी तात्काळ हा सर्व मद्यसाठा जप्त करत दोघांना ताब्यात घेतले असून या कारवाई दरम्यान तब्बल 16 लाखांहून अधिकचा मुद्देमाल पोलिसांनी हस्तगत केला आहे.

त्याचबरोबर ताब्यात घेतलेल्या दोघांकडून एवढ्या मोठ्या प्रमाणामध्ये दारूचा साठा कुठून आणला होता व कुठे नेला जात होता याची पिंपळनेर पोलीस चौकशी करत आहेत. यामध्ये आणखी मोठे मासे गळाला लागण्याची शक्यता पोलिसांनी वर्तविली आहे.

Edited By : Krushnarav Sathe