- नवनीत तापडिया

Trains Cancelled : मध्य रेल्वेने मुंबईत लाईन ब्लॉक तसेच पाॅवर ब्लॉक घेतल्याने (19 ते 21 नोव्हेंबर) दरम्यान नांदेडहुन मुंबईकडे आणि मुंबईहून नांदेडकडे धावणाऱ्या बारा रेल्वे रद्द करण्यात आल्या आहेत. यामुळे औरंगाबादहून या दोन्ही दिवशी मुंबईकडे एकही रेल्वे धावणार नाही. (central railway latest marathi news)

परिणामी मुंबईला (mumbai) जाणाऱ्या प्रवाशांचे नियोजन विस्कळीत झाले आहे. येत्या एकाेणीस नोव्हेंबरला मुंबईकडे जाणारी तपोवन एक्सप्रेस, राजाराणी एक्सप्रेस, देवगिरी एक्सप्रेस तर २० नोव्हेंबर रोजी जनशताब्दी एक्सप्रेस, तपोवन एक्सप्रेस आणि एकवीस नोव्हेंबरला नंदिग्राम एक्सप्रेस रद्द करण्यात आली आहे.

20 नोव्हेंबर रोजी मुंबईहून धावणारी तपोवन एक्सप्रेस, जनशताब्दी एक्सप्रेस, नंदिग्राम एक्सप्रेस, राज्यराणी एक्सप्रेस, देवगिरी एक्सप्रेस आणि 21 नोव्हेंबर रोजी तपोवन एक्सप्रेस रद्द करण्यात आली आहे. यामुळे प्रवाशांची (passengers) मोठ्या प्रमाणात तारांबळ उडालीय.