सिद्धेश म्हात्रे

तुर्भे (नवी मुंबई) : तुर्भे औद्योगिक वसाहतीमधील एका गोदामामधून नागरिकांच्या जीवाशी खेळ सुरु असल्याचा धक्कादायक प्रकार समोर आला आहे. (Navi Mumbai) नामांकित कंपनीच्या खाद्य पदार्थांवर असलेले लेबल बदलवून त्याची विक्री केली जात होती. अन्न व औषध प्रशासनाने केलेल्या कारवाईत हा प्रकार समोर आला आहे. (Maharashtra News)

नामांकित कंपनीचे खाद्य पदार्थ आणि थंडपेय साठवून यावरील एक्सपायरी तारीख नवीन लेबल लावून बदलली जात होती. एक्सपायरी तारखेनंतर देखील नामांकित कंपनीचे खाद्यपदार्थ आणि थंडपेय विक्री करता यावी; यासाठी रसायन वापरून उत्पादन तारीख बदलून साठ्यातील उत्पादनांची छापील माहिती नवीन लेबल लावून बदलून (Turbhe Navi Mumbai) याची विक्री करण्यात येत होती. मनसे सहकार सेना उपाध्यक्ष बाळासाहेब शिंदे यांच्या तक्रारीनंतर (FDA) अन्न व औषध प्रशासन अधिकाऱ्यांनी छापा टाकत १० तास गोदामाची तपासणी केली. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

२४ लाखाची उत्पादने सील 

अन्न सुरक्षा मानक कायद्याची पायमल्ली केल्याचे आढळून आल्याने अधिकाऱ्यांनी २४ लाख रुपये किंमतीची उत्पादने सील करून अधिक तपास सुरू केला. या विक्रेत्यावर फौजदारी गुन्हा नोंद करून कठोर कारवाई करण्याची मागणी यावेळी मनसे सहकार सेनेतर्फे करण्यात आले.