- बालाजी सुरवसे

Tuljpaur News :

पारंपारिक वाद्याच्या गजरात आई राजा उदो उदोऽऽ अशा जय घोषात कुंकवाची उधळण करीत आज तुळजापूर येथे जलयात्रा मिरवणुक काढण्यात आला. या यात्रेत हजारो सुहासिनी महिला सहभागी झाल्या हाेत्या. महिलांनी जल आई तुळजाभवानीच्या (tuljabhavani) चरणी अर्पण केले. याच जलाने देवीचा गाभारा स्वच्छ करण्यात आला. (Maharashtra News)

महाराष्ट्राची कुलस्वामिनी श्री तुळजाभवानी मातेच्या शाकंभरी नवरात्र उत्सवातील (Shakambhari Navratri) पाचव्या माळेदिनी नवरात्रोत्सवाचे मुख्य आकर्षण असलेला जलयात्रेचा पारंपारिक सोहळा मोठ्या उत्साहात पार पडला.

(साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

जलयात्रेत सजविण्यात आलेल्या खास वाहनात शाकंभरी देवीची प्रतिमा ठेवण्यात आली होती. या प्रतिमेस सर्वप्रकारची हिरव्या फळे पालेभाज्या यांचा हार तयार करुन घालण्यात आला होता. पारंपारिक वाद्याच्या गजरात आई राजा उदो उदोऽऽ च्या जय घोषात कुंकवाची उधळण करीत या जलयाञा मिरवणुकीस प्रारंभ झाला.

दरम्यान तुळजाभवानी देवीच्या मंदीराला आकर्षक देशी विदेशी फुलांची सजावट करण्यात आली आहे. तुळजाभवानी देवीच्या शाकंभरी नवरात्र महोत्सव व अयोध्येत होत असलेल्या श्रीराम प्राणप्रतिष्ठापने निमीत्त मंदीरात व परीसरात ही सजावट करण्यात आलीय.

आयोध्येत राम लल्लाची प्राणप्रतिष्ठापना (ayodhya ram temple pran pratishtha) होत असताना तुळजाभवानीच्या तुळजापूरात देखील गेल्या तीन दिवसांपासून राम प्रतिष्ठापनेसाठी महायज्ञ केला जात आहे.

अयोधेच्या धर्तीवरच तुळजापुरताही पूजा मांडली असुन या पुजेत आई तुळजाभवानी व रामाचे नाते सांगणारा राम वरदायिनी जप केला जात असुन दुपारी 12 वाजता रामाच्या मंदीरात राम मुर्तीची प्रतिस्थापना केली जाणार आहे.

Edited By : Siddharth Latkar