Tuljabhavani Temple News:

अखंड महाराष्ट्राची कुलस्वामिनी असलेल्या तुळजापुरच्या आई भवानीच्या दागिन्यांबाबत राज्य सरकारने मोठा निर्णय घेतला आहे. आई तुळजा भवानीच्या चरणी दान केलेले दागिने वितळवणार असल्याची महत्वाची बातमी समोर आली आहे. याबाबत विधी व न्याय विभागाने मंजुरी दिली आहे.

याबाबत सविस्तर माहिती अशी की, लाखो भाविकांचे श्रद्धास्थान असलेल्या आई तुळजा भवानीच्या (Aai TuljaBhavani) दर्शनाला राज्यासह परराज्यातूनही अनेक लोक येत असतात. आई तुळजा भवानीच्या चरणी भाविक भक्त दाग दागिने अर्पण करत असतात. हेच भाविकांनी दिलेले सोने तसेच चांदीचे दागिने आता विळवण्यात येणार आहेत.

यामध्ये 2009 ते जून 2023 या कालावधीमध्ये देवीच्या चरणी अर्पण केलेले दागिने वितळे जाणार आहेत. याबाबत देवस्थान ट्रस्टने राज्य सरकारकडे रितसर परवानगी मागितली होती. देवस्थानची ही मागणी राज्य सरकारच्या विधी व न्याय विभागाने मंजुर केली आहे.

यामध्ये एकूण 204 किलो सोने तर 3000 किलो चांदीचा समावेश आहे. दरम्यान, साईबाबा संस्थान व सिद्धिविनायक गणपती ट्रस्टच्या वतीने हे भक्तांनी अर्पण केलेले मौल्यवान दागिने वितळवले जातात. त्यानंतर ते रिझर्व बँक ऑफ इंडिया मध्ये ठेवी म्हणून ठेवले जातात. त्याचप्रमाणे ही प्रक्रिया होणार आहे. (Latest Marathi News)