- बालाजी सुरवसे

Dharashiv :

उच्च न्यायालयाच्या परवानगीनंतर तुळजाभवानी मातेला भाविकांनी अर्पण केलेले 206 किलो 723 ग्रॅम सोने व 2570 किलो चांदी वितळवण्याची प्रक्रिया पुन्हा सुरू करण्यात येणार आहे. यासाठी धाराशिवचे अतिरिक्त जिल्हाधिकाऱ्यांच्या अध्यक्षतेखाली 28 जणांची समितीची स्थापना जिल्हाधिकाऱ्यांनी केली आहे. (Maharashtra News)

या समितीमध्ये सेवानिवृत्त न्यायाधिशासह,धर्मादाय,पुरातत्त्व विभाग,महंत, पुजारी मंडळ आदींचा समावेश आहे. याबाबत जिल्हाधिकारी डॉ.सचिन ओम्बासे यांनी आदेश काढला आहे. याबाबत मुंबई उच्च न्यायालयाच्या औरंगाबाद खंडपीठाने 26 मार्च 2024 रोजी सोने चांदी सदृश वस्तु वितळवण्यास परवानगी दिली आहे.

दरम्यान या संदर्भात मंदीर संस्थांनी मंदीर समितीच्या 4 जुलै 2023 च्या विश्वस्त सभेत घेतलेल्या ठरावानुसार शिर्डी व सिध्दिविनायक मंदीर प्रमाणेच सोने वितळवण्याची कार्यपध्दती अवलंब करत तुळजाभवानीच्या सोन्या चांदीच्या वितळवण्याची प्रक्रिया केली जाणार आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar