Nagpur Truck Fire : नागपूरच्या भंडारा रोडवर मसाल्याच्या ट्रकला भीषण आग लागल्याची घटना घडली आहे. कापसी परिसरात सुरुची मसाल्याच्या ट्रकला ही आग लागली. या ट्रकमध्ये मसाल्याचे पोते असल्याने काही क्षणातच आगीचा भडका उडाला.

दरम्यान इलेक्ट्रिक वायर ट्रकला लागल्याने शॉर्टसर्किट होऊन ही आग लागली अशी प्राथमिक माहिती आहे. या घटनेच्या वेळी वेळीच ट्रकमधून खाली उतरल्याने ड्रायव्हर सुरक्षित आहे.

घटनेची माहिती मिळताच अग्निशमन दलाच्या गाड्या घटनास्थळी दाखल झाल्या असून आगीवर नियंत्रण मिळवण्यासाठी प्रयत्न सुरु आहेत.