बुलढाणा : नागपूर-मुंबई राष्ट्रीय महामार्गावर (Nagpur-Mumbai National Highway) आज दुपारी ट्रक आणि ऑटो मध्ये घडलेल्या भीषण अपघातामध्ये एक जण जागीच ठार झाला आहे तर पाच जण गंभीर जखमी झाल्याची घटना घडली आहे. अपघातातील जखमींना खामगावच्या (Khamgaon) उपजिल्हा रुग्णालयामध्ये दाखल करण्यात आले असून यातील एकाची प्रकृती गंभीर असल्याने त्याला पुढील उपचारासाठी अकोला येथे हलविण्यात आले आहे.

नागपूर-मुंबई या राष्ट्रीय महामार्ग क्रमांक 6 वर नांदुरा कडून खामगावकडे येणाऱ्या प्रवासी आटोला नांदुराकडे जाणाऱ्या ट्रकने धडक दिली या अपघातामध्ये ऑटो चालक प्रशांत अरुण साळुंखे वय 28 राहणार शिवाजीनगर खामगाव या इसमाचा जागीच मृत्यू झाला तर पाच जण गंभीर जखमी झाले असून जखमींना खामगाव च्या उपजिल्हा रुग्णालयांमध्ये हलविण्यात आहे. जखमींपैकी एकाची प्रकृती गंभीर असल्याने त्याला पुढील उपचारासाठी अकोला येथे हलविण्यात आले आहे.

Edited By - Jagdish Patil