सचिन कदम

रायगड : दिवसेंदिवस वाढत जाणाऱ्या अपघातांमुळं मुंबई-गोवा महामार्ग (Mumbai-Goa highway) मृत्यूचा सापळा बनला आहे. आज गुरुवारी दुपारच्या सुमारास मुंबई-गोवा महामार्गावर दोन कारमध्ये समोरासमोर धडक झाली. महाड तालुक्यातील टोळ गावच्या हद्दीत हा भीषण अपघात झाला. या अपघातात (Accident) एकाचा मृत्यू झाला असून चार जण गंभीर (Four People Injured) जखमी झाले आहेत. जखमींना उपचारासाठी महाड ग्रामिण रुग्णालयात दाखल करण्यात आले आहे.

मिळालेल्या माहितीनुसार, दोन्ही कार मुंबई-गोवा महामार्गावर भरधाव वेगाने जात असताना एकमेकांना धडकल्या. हा भीषण अपघात आज गुरुवारी महाड परिसरात झाला. कारमध्ये प्रवास करणारे नागरिक वडवली, गोरेगाव येथील नागरिक असल्याची माहिती आहे. या अपघाताची माहिती मिळताच महाड तालुका पोलीस घटनास्थळी पोहोचले. त्यानंतर जखमींना महाड ग्रामिण रुग्णालयात उपचारासाठी दाखल केले. दरम्यान, अपघाताच्या घटनेमुळं काही काळ वाहतूक विस्कळीत झाली होती.

Edited By - Naresh Shende