बीडच्या परळी तालुक्यात (Beed-parali) एका विवाहित विधवा महिलेला, गुंगीच्या गोळ्या बळजबरीने खाऊ घालून अत्याचार केल्याचा धक्कादायक प्रकार समोर आला आहे. ही घटना रविवार 25 जुलै रोजी परळी तालुक्यातील धर्मापुरी येथे घडली आहे.

याविषयी परळी ग्रामीण पोलीस म्हणाले, की परळी तालुक्यातील धर्मापुरी येथील 40 वर्षीय महिला, आपल्या पतीच्या निधनानंतर 2 मुले व 1 मुलगी यांचा मजुरी करून सांभाळ करत आहे. याच असहायतेचा फायदा घेत, गल्लीतील 27 वर्षीय युवक अफसर शेख याने, 25 जुलै रोजी दुपारी 4 च्या सुमारास पीडित महिलेच्या घरात बळजबरीने प्रवेश करून, तिला मारहाण करीत गुंगीच्या गोळ्या खाऊ घालून अत्याचार केला.

या प्रकरणी पीडित महिलेच्या फिर्यादीवरून, परळी ग्रामीण पोलीस ठाण्यात कलम 376, 452, 323 नुसार गुन्हा नोंद करण्यात आला आहे. दरम्यान बीड जिल्ह्यात दिवसेंदिवस महिला आणि मुलींवरील अत्याचाराच्या प्रमाणात वाढ होतं असल्याने मुंडेंच्या जिल्ह्यात चाललंय काय ? असचं म्हणण्याची वेळ आली आहे.

Edited By: Pravin Dhamale