Samruddhi Mahamarg : समृद्धी महामार्गावरील अपघात रोखण्यासाठी आता ब्लॅक स्पॉट शोधून प्रवाशांना सतर्क केलं जाणार आहे. नागपूर (Nagpur) ते शिर्डी समृद्धी महामार्गाचे लोकार्पण होऊन पंधरवडाही उलटला नाही, मात्र दररोज अपघाताची मालिका सुरूच आहे. पंधरवड्याच्या आत जवळपास ३० पेक्षा अधिक लहान-मोठे अपघात घडले आहेत.

त्यामुळे रस्ते विकास महामंडळ अधिक सतर्क झाले असून, हे अपघात रोखण्यासाठी धोकादायक वळण आणि ब्लॅक स्पॉटची शहानिशा करण्याच्या तयारीत असल्याचे सूत्रांनी सांगितले. सतत होणारे अपघात (Accident) रोखण्यासाठी, गरज पडल्यास अन्य महामार्गावर ज्या पद्धतीने ब्लॅक स्पॉट असतात. (Latest Maharashtra News)

या मार्गावर अपघातांचे प्रमाण कमी करण्यासाठी जेथे धोकादायक वळण आहेत, तेथे या आधीच सूचना फलक बसिवले आहेत. परंतु तरीही अपघात होत असल्याने त्याची कारणे शोधली जाणार असत अपघातरोखण्यासाठी, गरज पडल्यास अन्य महामार्गावर ज्या पद्धतीने ब्लॅक स्पॉट असतात. तसे येथेही शोधून अपघात कमी करण्याचे प्रयत्न विचाराधीन असल्याची माहिती सूत्रांनी दिली.

समृद्धी महामार्गाची वैशिष्टये -

• लांबी ७०१ किमी

• एकूण जमीन : ८३११ हेक्टर

• रुंदी : १२० मीटर • इंटरवेज : २४

• अंडरपासेस : ७००

• उड्डाणपूल : ६५

• लहान पूल : २९४

• वे साईड अमॅनेटीझ : ३२

• रेल्वे ओव्हरब्रीज : ८

• द्रुतगती मार्गावरील वाहनांची वेगमर्यादा ताशी : १५० किमी (डिझाइन स्पीड)

• द्रुतगती मार्गाच्या दुतर्फा झाडांची संख्या : साडे बारा लक्ष

• कृषी समृद्धी केंद्रे : १८ एकूण गावांची संख्या : ३९२

• प्रकल्पाचा अंदाजित खर्च: ५५ हजार कोटी रुपये

• एकूण लाभार्थी : २३ हजार ५००

• वितरित झालेला मोबदला : ६ हजार ६०० कोटी रुपये

• कौशल्य विकास प्रशिक्षणाचे लाभार्थी : ३५६

• द्रुतगती मार्गालगत सीएनजी/ पीएनजी गॅस वाहिनी : गॅस अथॉरिटी ऑफ इंडिया मार्फत

• ऑप्टिकल फायबर नेटवर्कचे जाळे

Edited By - Shivani Tichkule