सांगली - एका आजीच्या लिफ्टचा थरारक व्हिडीओ समोर आला आहे. सांगली महापालिकेच्या घंटा गाडीला लटकून आजीने प्रवास केल्याचा धक्कादायक प्रकार घडला आहे.मिरज मध्ये हा धोकादायक प्रवासाचा प्रकार घडला आहे. त्यामुळे नागरिकांमधून सदरच्या घटनेबाबत संताप व्यक्त होत आहे. मिरज शहरातील एका आजी बाईचा लिफ्टचा थरारक व्हिडीओ व्हायरल (Video Viral) झाला आहे. कारण या आजीचा लिफ्टचा प्रकार हा गाडीत बसून नव्हता तर गाडीला लटकून होता. (thrilling journey of old women by hanging Sangli Municipal Corporation garbage truck)

हे देखील पहा -

मिरज (Miraj) शहरातल्या स्टेशन चौक येथून विजय नगर पर्यंत गाडीला लटकून आजीबाईचा हा थरारक लिफ्टचा प्रवास मोबाईल कॅमेऱ्यात कैद झाला आहे. विशेष म्हणजे महापालिकेच्या घंटागाडीला लटकून या आजीबाईचा हा थरारक प्रवास झाला आहे. स्टेशन चौक येथून आजीबाईने घंटागाडीला लिफ्ट मागितली आणि त्यानंतर घंटागाडी चालकाने आजीला मागे बसवण्यास सांगितले आणि आजीने गाडीच्या साईडला एका बाजूला उभा राहात तीन ते चार किलोमीटरचा प्रवास केला.

या दरम्यान काही नागरिकांना हा प्रकार निदर्शनास आला. त्यांनी आपल्या मोबाईल मध्ये सदरचा प्रकार चित्रित केला आणि पुढे जाऊन ही गाडी थांबवून घंटागाडी चालकाची चांगलीच कान उघाडणी केली.

Edited By - Shivani Tichkule