Buldhana Accident News: बुलढाण्यातील नांदुरा - मोताळा मार्गावरून अपघाताची मोठं वृत्त हाती आलं आहे. बुलढाण्याच्या नांदुरा - मोताळा मार्गावर दुचाकी आणि ट्रकची समोरासमोर धडक झाल्याची घटना घडली आहे. या भीषण अपघातात तिघे भाऊ जागीच ठार झाले आहे. या घटनेने परिसरात एकच खळबळ उडाली आहे. (latest Marathi News)

मिळालेल्या माहितीनुसार, बुलढाण्यातील नांदुरा - मोताळा मार्गावर दुचाकी आणि ट्रकची समोरासमोर धडक होऊन अपघात झाल्याची घटना घडली आहे. या भीषण अपघातात दुचाकीवरील तिघे जण ठार झाले आहेत. या मृतात दोन भाऊ तर तिसरा चुलत भाऊ आहे.

तिघा भावांचा जागीच मृत्यू

नांदुरा - मोताळा मार्गावरील तिघां भावांची नावे समोर आली आहे. उमेश कांडारकर , प्रशांत कांडारकर आणि नितीन कांडारकर अशी अपघातात ठार झालेल्या युवकांची नावे आहेत. हे तिघेही मृतक मलकापूर तालुक्यातील झोडगा गावचे रहिवासी आहेत. या भीषण अपघातात तिघांचा जागीच मृत्यू झाला आहे. अपघातानंतर पोलीस घटनास्थळी दाखल झाले आहे.

नेमका अपघात कसा झाला?

बुलढाण्यातील नांदुरा - मोताळा मार्गावरल ट्रक आणि दुचाकीचा भीषण अपघात झाला. या मार्गावर विरुद्ध दिशेने येणाऱ्या ट्रकची व दुचाकीची समोरासमोर धडक झाली. या अपघातात तिघा भावांचा जागीच मृत्यू झाला आहे. या अपघाताची माहिती मिळाल्यानंतर पोलिस घटनास्थळी पोहोचले आहेत.