Nagpur Nitin Gadkari : केंद्रीय मंत्री नितीन गडकरी यांना काल जीवे मारण्याची धमकी देण्यात आली होती. नितीन गडकरी यांच्या नागपूरमधील कार्यालयात हे कॉल आले होते. त्यामुळे एकच खळबळ उडाली होती. त्यानंतर पोलिसांनी तात्काळ मंत्री नितीन गडकरी यांच्या सुरक्षेत मोठी वाढ करण्यात आली आहे.

गडकरी यांना आलेल्या धमकीच्या फोन कॉल प्रकरणात आता नागपूर पोलिसांना मोठी माहिती समोर आली आहे. गडकरी यांना आलेला फोन हा दुबई नाही तर बेळगाव तुरुंगातून आला आहे.

फोन करणारा व्यक्ती एका सराईत गँगस्टर असल्याची माहित आहे. हा गुन्हेगार सध्या बेळगावातील (Belagum) तुरुंगामध्ये शिक्षा भोगत आहे. जयेश पुजारी असे या सराईत गँगस्टरचे नाव आहे. त्यानं अवैधरित्या फोनचा वापर केला आणि गडकरींच्या (Nitin Gadkari) कार्यालयात फोन करून धमकी दिल्याची माहिती दिली.

या धमकी प्रकरणात एकटा जयेश पुजारी आणि त्याची टोळी आहे की अंडरवर्ल्डचे काही मोठे गँगस्टर यामागे आहेत, याचा तपास सध्या पोलीस करत आहे. शिवाय जयेशने तुरुंगातून अशाच पद्धतीने अनेक वेळा पूर्वी ही मोठे अधिकारी आणि इतरांना धमकीचे कॉल केल्याची माहिती आहे. पुढील तपासासाठी नागपूर (Nagpur) पोलिसांची एक टीम तातडीने बेळगावला रवाना झाली आहे.