बार्शी : बार्शी-सोलापूर रस्त्यावर चोरट्यांनी धुमाकूळ घातला आहे. या रस्त्यावर असलेला रेल्वेपूल ओलांडल्यावर प्रवाशांना धारधार शस्त्राचा धाक दाखवून चोरटे लाखोंचा ऐवज लंपास करत आहेत. रस्त्यावरुन जाणाऱ्या एका दाम्पत्याला (Robbery Crime) चोरट्यांनी चाकूचा धाक दाखवून सोन्यासे दागिने आणि पाच हजार रुपये असा सुमारे दोन लाखांचा ऐवज लुटल्याची घटना घडलीय. पत्नी-पत्नी रस्त्यावरुन दुचाकीने जात असताना चोरट्यांनी त्यांना मागून धडक दिली आणि चोरीची संधी साधली. याप्रकरणी बार्शी शहर पोलिसांनी (Barshi Police) चार जणांविरोधात गुन्हा दाखल केला आहे.

मिळालेल्या माहितीनुसार, बार्शी-सोलापूर रस्त्यावर रेल्वेपूल ओलांडताच दुचाकीस्वारांनी मागून धडक देऊन दुचाकीवरुन जाणाऱ्या पती-पत्नीला चाकूचा धाक दाखवला. त्यानंतर चोरट्यांनी दोन लाख रुपयांचा ऐवज लंपास केला. याप्रकरणी बार्शी येथील भांडेगाव येथे राहणारे कल्याण जाध(57) यांनी फिर्याद दाखल केलीय. ही घटना १६ऑगस्टला रोजी रात्री साडेनऊच्या दरम्यान घडली.

बार्शी येथील माऊली मंगल कार्यालयात कल्याण जाधव पत्नी उषा यांच्यासह एक कार्यक्रम आटोपून घरी जात असताना लक्ष्मी मंदिराजवळ पाठीमागून दोन दुचाकीवरुन चार तरुण आले. त्यानंतर त्यांनी दाम्पत्याला खाली पाडले.एका तरुणाने चाकूचा धाक दाखवून पत्नीच्या अंगावर असलेले एक तोळा सोन्याचे गंठण, एक तोळ्याचे कानातील फुले,एक तोळ्याची बोरमाळ,अर्धा तोळ्याचे मंगळसूत्र,पाच हजार रुपये रोख असा ऐवज बळजबरीने काढून घेतला.

Edited By - Naresh Shende