अमरावती : मेळघाटच्या धारणी तालुक्यामध्ये एका चोरट्याने चक्क पीपीई किट (PPE Kit) घालून दारूच्या दुकानात चोरी केल्याची धक्कादायक घटना समोर आली आहे. कलमखार येथील देशीदारूच्या दुकानात हा चोरटा रात्रीचा शिरला. त्याने CCTV चे डिव्हिआर, एलसीडी व रोख रक्कम पळवली आहे. दुकानात चोरी करणार चोर CCTV कॅमेऱ्यात कैद झाला असला तरी पीपीई कीटमुळे त्यांचा चेहरा ओळखत नाहीये.

दरम्यान चोरट्याने स्वतःची ओळख लपविण्यासाठी चोरट्यांनी आता नवी शक्कल लढविल्याचे दिसून येत आहे. चोरटे CCTV मुळे सापडण्याचे प्रमाण वाढले आहे. त्यामुळे ते आता अशा नवनवीन स्वरूपाच्या आयडीया शोधून काढत आहेत हेच या घटनेवरून स्पष्ट होत आहे.

या चोरीची तक्रार पोलिस ठाण्यात करण्यात आली असून पोलिसांनी चोरट्यावरती गुन्हा दाखल करून त्याचा शोध सुरू केला आहे. चोरट्याने या दुकानातून 40 हजार रुपयांसह, सुमारे 30 हजार रुपयांचा LCD व DVR असा जवळपास एक लाखाचा मुद्देमाल लंपास केला आहे.

Edited By - Jagdish Patil