संजय जाधव

बुलढाणा : जुन्या वादातून एका कुटुंबावर दहा ते बारा जणांनी सशस्त्र हल्ला चढवल्याने यामध्ये महिला, मुली व पुरुष देखील गंभीर रित्या जखमी झाले होते. त्यावरून तक्रार देण्यासाठी गेलेल्या महिलेच्या सांगण्यावरून पोलिसांनी तक्रार नोंदवली नसल्याचे आरोप फिर्यादी महिलेने केला आहे. तर गेल्या पंधरा दिवसांपासून आरोपींवर कुठलीच कारवाई झाली नसल्याने या आरोपींवर गुन्हे दाखल करून तात्काळ अटक करावी व न्याय देण्यात यावा, यासाठी जिल्हाधिकारी व जिल्हा पोलीस अधीक्षक यांना निवेदन दिले आहे. त्याचबरोबर न्याय न मिळाल्यास कुटुंबासह जिल्हा पोलीस अधीक्षक कार्यालयासमोर उपोषण करण्याचा इशारा पिडीत कुटुंबातील जखमी तरुण महादेव इंगळे याने दिला आहे.

तामगाव पोलिस स्टेशन अंतर्गत येत असलेल्या भोन नवीन या गावातील महादेव इंगळे त्यांच्या कुटुंबीयांवर दहा ते बारा लोकांनी लोखंडी रॉड घेऊन अचानकपणे रात्री साडेअकरा वाजताच्या सुमारास हल्ला चढवला, ज्यामध्ये पाच जण जखमी झाले असून यामध्ये महिला व मुलींचा देखील समावेश आहे. या घटनेवरून फिर्यादी महिलेने तामगाव पोलिसात दिलेल्या तक्रारी नुसार स्थानिक पोलिसांनी महिलेने सांगितल्याप्रमाणे तक्रार घेतली नसल्याचा आरोप या महिलेने केला आहे. तर गेल्या पंधरा दिवसांपासून हे सर्व आरोपी मोकाट असून त्यांच्यावर कुठलीही कारवाई झाली नसल्याने या महिलांनी जिल्हाधिकारी व जिल्हा पोलीस अधीक्षक यांच्याकडे तक्रार करत न्याय मागितला आहे. त्या सर्व आरोपींवर गुन्हे दाखल करून त्यांना तात्काळ अटक करावी अन्यथा कुटुंबासह पोलीस अधीक्षक कार्यालयासमोर उपोषण करण्याचा इशारा फिर्यादी महिलेने दिला आहे.

Edited By- Anuradha Dhawade