बुलढाणा : बुलढाणा जिल्ह्यातील मलकापूर तालुक्यातील माकनेर या गावातील मंदिरातील पुजारी श्रीकृष्ण धोरण यांना गावातील गुंडा कडून विनाकारण मारहाण करण्यात आल्याने परिसरातील ८ ते १० गावातील शेकडो नागरिकानी पोलीस स्टेशनला या गुंडावर कारवाई करण्याच्या मागणीसाठी मलकापूर ग्रामीण पोलीस स्टेशनला ठिय्या दिला आहे. पुजाऱ्याला मारहाण करत असतानाची घटना सीसीटीव्हीत कैद झाली आहे.

हे देखील पहा-

माकनेर या गावातील पुजारी श्रीकृष्ण धोरण आणि त्यांच्या पत्नीस झालेल्या मारहाणीचा निषेध व्यक्त करत माकनेरसह परिसरातील धानोरा, घीर्णी, भाडगणी, मोरखेड, मलकापूर, खामगाव, ढोरपगाव, काटी अशा १० गावातील नागरिकांच्या वतीने पोलीस निरीक्षकांना निवेदन देण्यात आले आहे. माकनेर येथील पुजारी श्रीकृष्ण धोरण आणि त्यांच्या पत्नी सौ सुधा धोरण यांनी सकाळी गावातील घनशाम ढोले यांना मंदिरासमोर सोयाबीन वाळत घातल्यामुळे भाविकांना मंदिरात प्रवेश करण्यास अडथळा येत होता.

तसेच कोजागिरी पौर्णिमा असल्याने भाविकांची ये- जा असल्याने मंदिरासमोर अडथळा करू नका असे म्हटल्याने गावातील गुंड प्रवृत्तीचे घनशाम ढोले त्याचे वडील राजेंद्र ढोले यांनी पुजारी श्रीकृष्ण धोरण आणि त्यांची पत्नी सौ सुधा धोरण यांना अर्वाच्य भाषेत शिवीगाळ आणि मारहाण केली होती. सदर घटनेचा सुधा धोरण यांनी मलकापूर ग्रामीण पोलीस स्टेशनला तक्रार दिली आहे.

पुजारी श्रीकृष्ण धोरण आणि त्यांची पत्नी सुधा धोरण यांना झालेल्या मारहाणीचा निषेध करण्यासाठी परिसरातील गावामधून मोठ्या संख्येने नागरिकांनी मलकापूर ग्रामीण पोलीस स्टेशन गाठत सदर घटनेचा निषेध व्यक्त करत ५०० ते ६०० नागरिकांच्या सह्यांचे निवेदन ठाणेदार यांना दिले आहे. तसेच आरोपी घनशाम ढोले आणि राजेंद्र ढोले यांच्या विरुद्ध कारवाईची मागणी केली आहे. यानुसार पुजाऱ्याने दिलेल्या तक्रारीवरून मलकापूर पोलिसांनी रात्री उशिरा विविध कलमान्वये गुन्हे दाखल करण्यात आले आहेत.

Edited By- Digambar Jadhav