भूषण अहिरे

धुळे : महाराष्ट्र राज्य परिचारिका संघटनेतर्फे आज धुळ्यामध्ये शासकीय वैद्यकीय महाविद्यालयाच्या परिसरामध्ये आंदोलन करण्यात आले. गेल्या कित्येक महिन्यांपासून परिचारिकांच्या विविध प्रलंबित मागण्यांसाठी वेळोवेळी शासनाला निवेदन देऊन प्रलंबित मागण्या पूर्ण करण्याची मागणी परिचारिकांतर्फे करण्यात आली होती. The nurses' union is aggressive against the government for its pending demands

हे देखील पहा -

परंतु कोविड काळात देखील मोठ्या धैर्याने काम करणाऱ्या परिचारिकांना शासनातर्फे फक्त आश्वासने देण्यात आली. प्रशासनाने परिचारिकांच्या कुठल्याही मागण्या पूर्ण केल्या नाहीत त्यामुळे संतप्त परिचारिकांनी अखेर आजपासून संपूर्ण राज्यामध्ये प्रशासनाच्या विरोधामध्ये काम बंद आंदोलन सुरू केले आहे.

यावेळी संघटनेतर्फे सर्व परिचारिकांनी प्रशासनाच्या विरोधामध्ये घोषणाबाजी देखील केली असून लवकरात लवकर शासनाने परिचारिकांच्या प्रलंबित मागण्या पूर्ण कराव्यात अशी मागणी यावेळी आंदोलनकर्त्या परिचारिकांनी केली आहे.

Edited By : Krushnarav Sathe