जालना : तलावावर कपडे धुण्यासाठी गेलेल्या महिलेसह 12 वर्षांची मुलगी बुडल्याची घटना आज दुपारच्या सुमारास अंबड तालुक्यातील रामनगर तांडा या गावात घडली आहे. कपडे धुत असताना पाण्याची बकेट तलावात बुडू लागली. बकेट पकडण्यासाठी गेलेली महिला आणि 12 वर्षाच्या मुलीला पाण्याचा अंदाज न आल्याने त्या पाण्यात बुडाल्या.

हे देखील पहा :

तलाव परिसरातून जाणाऱ्या एका नागरिकांनी पाण्यात उडी घेऊन दोघींना दोघीना बाहेर काढून उपचारासाठी अंबड येथील रुग्णालयात दाखल केले. मात्र, डॉक्टरांनी 12 वर्षीय मुलीचा दुर्दैवी मृत्यु झाल्याचे जाहीर करताच परिसरात शोककळा पसरली आहे.

महिलेची प्रकृती गंभीर असल्याने तिच्यावर आयसीयू वार्डात उपचार सुरू आहेत. या अल्पवयीन मुलीच्या मृत्यूची माहिती कळताच संपूर्ण रामनगर तांडा परिसरात हळहळ व्यक्त केली जात आहे.

Edited By : Krushnarav Sathe