बीड : बीड शहरातील पोलीस अधीक्षक कार्यालय आणि जिल्हा रुग्णालयाच्या (hospital) शेजारी असलेल्या विद्युत वाहक डीपीला भर दुपारी कडक उन्हात अचानक आग (Fire) लागली आहे. तर यावेळी अग्निशामक दल वेळेवर पोहोचल्याने मोठा अनर्थ टळला आहे. मुख्य रस्त्यालगत असलेल्या डीपी जवळून मोठ्या प्रमाणात रहदारी वाहतूक सुरू होती.

हे देखील पाहा-

यावेळी डीपीमधील ऑइलचा स्फोट झाला असता, तर मोठी दुर्घटना घडली असती. मात्र, तात्काळ अग्निशामक दल दाखल होत, त्यांनी ही आग आटोक्यात आणली आहे. यामुळे जिल्हा रुग्णालय व पोलिस (Police) अधीक्षक कार्यालयातील वीजपुरवठा खंडित झाला आहे. दरम्यान आगीचे नेमके कारण अद्याप समोर आले नाही. मात्र, उन्हाची तीव्रता वाढल्याने आग लागल्याचा प्राथमिक अंदाज विद्युत विभागाकडून व्यक्त केला जात आहे.

Edited By- Digambar Jadhav