चंद्रपूर : विस्तीर्ण पसरलेल्या चंद्रपूर (Chandrpur) महाऔष्णिक वीज केंद्र (Mega thermal power station) परिसरात वाघ कुटुंबाने वास्तव्य केले आहे. या वाघ कुटुंबाचे व्हीडीओ सध्या वायरल झालेत. वीज केंद्राच्या रहिवासी भागाला जोडणा-या मार्गावर या वाघ कुटुंबाचे सातत्याने दर्शन होत आहे. वाघीण आणि 3 बछड्यांचा या भागात अधिवास आहे. (A beautiful view of the golden Waghoba family in Chandrapur)

गर्द हिरवाईत सळसळत्या सोनेरी वाघोबा कुटुंबाचे मनोहारी दर्शन या भागातून प्रवास करणा-या अनेकांना झाले आहे. या कुटुंबाची वस्ती सध्या कोळसा हाताळणी केंद्राच्या आसपास आहे. वनविभागाने (Forest Department) आपल्या पथकाच्या माध्यमातून वाघीण-बछड्यांवर नजर ठेवली आहे. धोका लक्षात घेता वन विभागाने स्थानिक रहिवाशांना सतर्क राहण्याच्या सूचना दिल्या आहेत.