वस्त्यांची जातीवाचक नावे बदलणार; नाशिक महापालिकेचा निर्णय! SaamTvnews
महाराष्ट्र

वस्त्यांची जातीवाचक नावे बदलणार; नाशिक महापालिकेचा निर्णय!

महापालिकेचा हा निर्णय कौतुकास्पद असला, तरी या निर्णयानंतर सर्वच स्तरातून संमिश्र प्रतिक्रिया उमटताना पाहायला मिळतायत.

अभिजीत सोनवणे, साम टीव्ही, नाशिक

नाशिक : नाशिक शहरातील वस्त्यांची जातीवाचक नावं बदलण्याचा निर्णय नाशिक महापालिका प्रशासनानं घेतलाय. त्यामुळे येत्या काही दिवसांत शहरातील जातीवाचक वस्त्यांची नावं बदलली जाणार आहेत. महापालिकेचा हा निर्णय कौतुकास्पद असला, तरी या निर्णयानंतर सर्वच स्तरातून संमिश्र प्रतिक्रिया उमटतांना पाहायला मिळतायत.

नाशिकमधील जातीवाचक वस्त्यांच्या नावांच्या जागी आता लवकरच किल्ले, नद्या, झाडं आणि फुलांची नावं पाहायला मिळणार आहेत. कारण नाशिक महापालिकेनं शहरातील जातीवाचक वस्त्यांची नावं बदलण्याचा निर्णय घेतलाय.

हे देखील पहा :

राज्यातील गावांची, रस्त्यांची, वस्त्यांची जातीवाचक नावं बदलून नवीन नावं देण्याचा निर्णय मागील वर्षी राज्य मंत्रिमंडळाच्या बैठकीत घेण्यात आला होता. या निर्णयाची अंमलबजावणी करणारं नाशिक पहिलं शहर ठरणार आहे. सुरवातीला पहिल्या टप्प्यात शहरातील 80 जातीवाचक वस्त्यांची नावं बदलण्यात येणार असून त्याऐवजी राज्यातील किंवा नाशिक जिल्ह्यातील किल्ले, नद्या, झाडं अथवा फुलांची नावं या वस्त्यांना देण्यात येणार आहेत.

महापालिकेनं जातीवाचक नावं बदलण्याच्या घेतलेल्या निर्णयानंतर नाशिकमध्ये सर्वच स्तरातून संमिश्र अशा प्रतिक्रिया येतायत. नाशिक महापालिकेचा हा निर्णय जातीभेद समूळ नष्ट करण्याच्या दृष्टीकोनातून पहिलं पाऊल ठरेल, असं काही नाशिककरांना वाटतंय. तर फक्त नावं बदलण्याऐवजी नावांसोबतचं सामाजिक मानसिकतादेखील बदलण्याची गरजही नागरिक व्यक्त करत आहेत.

देशात पूर्वी बाराबलुतेदार पद्धत अस्तित्वात असल्यानं पूर्वी शहरातील वस्त्यांना जातीवाचक नावं दिली जायची. स्वातंत्र्याच्या इतक्या वर्षांनंतरही अजून हिचं नावं कायम असल्यानं अशा वस्त्यांकडे विशिष्ट दृष्टिकोनातून पाहिलं जातं.

त्यामुळे जातीभेद नष्ट व्हावा तसंच सामाजिक समरसतेच्या उद्देशानं राज्याच्या मंत्रिमंडळ बैठकीत जातीवाचक वस्त्यांची नावं बदलण्याचा निर्णय घेण्यात आलेला असला तरी त्याची अंमलबजावणी मात्र अद्याप झालेली नव्हती. आता नाशिक महापालिकेनं यासाठी पुढाकार घेतला असून जातीवाचक वस्त्यांची नावं बदलणारं नाशिक राज्यातलं पहिलं शहर ठरणार आहे. नावं बदलण्याच्या मुद्द्यावरून मतमतांतरं असली, तरी हा निर्णय निश्चितच स्वागतार्ह म्हणायला हवा.

Edited By : Krushnarav Sathe

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Viral Pune Couple Video: दुचाकीवर प्रेमीयुगुलांचे अश्लील चाळे; प्रेमीयुगुलांचा व्हिडिओ व्हायरल

Govt Officials Caught In Bar: शासन 'बार'च्या दारी ; बिअरबारमध्ये सरकारी काम, उपराजधानीतल्या कारभारावरुन हल्लाबोल

Pune Rave Party: पोलिसांनीच कोकेन ठेवलं; 'दृश्यम'प्रमाणे चित्र रंगवलं अन् व्हिडीओ बनवला, असीम सरोदेंचा दावा

Nag Panchami Wishes 2025 : नागपंचमीनिमित्त तुमच्या प्रियजनांना द्या भक्तीमय शुभेच्छा

Divya Deshmukh : गँडमास्टर दिव्या देशमुखचं फडणवीसांकडून कौतुक, व्हिडीओ कॉलद्वारे दिल्या शुभेच्छा

SCROLL FOR NEXT