संदिप नागरे

हिंगोली पोलिसांनी (Hingoli Police) मोक्का प्रकरणात गुन्हा दाखल असलेल्या तीन आरोपींना आज अटक केली आहे. या आरोपीमध्ये हिंगोली पालिकेत नगरसेवक असलेल्या नाना उर्फ नरसिंग नायक याचा देखील समावेश आहे. पोलिसांनी यापूर्वीच या प्रकरणात तीन आरोपींना ताब्यात घेतले होते त्यामुळे आता अटक केलेल्या आरोपींची संख्या ही सहा झाली आहे.

गेल्या अनेक महिन्यांपासून हे आरोपी महाराष्ट्र राज्यातून परराज्यात फरार झाले होते. हिंगोली पोलिसांची विविध पथके या आरोपींच्या शोधासाठी तैनात करण्यात आली होती . मात्र आज हे आरोपी अचानक न्यायालया समोर शरण आले , त्या नंतर न्यायालयाने या आरोपींना पोलिसांच्या ताब्यात दिले.

दरम्यान, मागील महिन्यात या गुन्ह्यात तीन आरोपींना पोलिसांनी उत्तरप्रदेश मधून अटक देखील केली होती, मात्र या गुन्ह्यातील आरोपी नाना उर्फ नरसिंग नायक याच्या सह दोघे पोलिसांना हवे होते हिंगोली शहर, हिंगोली गुन्हे शाखा या तिघांचा शोध घेत असताना आज हे तिघे आरोपी न्यायालया समोर शरण आले. आरोपी शरण येताच न्यायालयाने या तिन्ही आरोपींना पोलिसांच्या स्वाधीन केले, पोलिसांनी या आरोपींना अटक करत पुढील कार्यवाही सुरू केली आहे.

Edited By: Pravin Dhamale