ठाणे : ठाणे, मुंबई आणि नवी मुंबई परिसरात गाळ्यांचे शटर उचकटून चोरी झाल्याची घटना घडली होती. या चोरट्यानी एकाच रात्रीत १४ ठिकाणी चोरी केल्याचे समोर आले. या प्रकरणी दोघा आरोपीना ठाणे गुन्हे शाखा घटक १ ठाणे यांनी अटक केले असून त्यांच्याकडून २ लाख २६ हजार रुपयाचा मुद्देमाल हस्तगत करण्यात आला आहे. पुढील तपास करत आहेत. 

ठाणे पोलीस आयुक्तालयातील नौपाडा परिसरात एकाच रात्री सलग १४ गाळ्यांचे शटर उचकटून चोरी झाल्याच्या घटना घडल्या होत्या. या चोरी केल्याबाबत नौपाडा पोलीस ठाण्यात गुन्हा दाखल करण्यात आला होता. सदर गुन्ह्याचा गुन्हे शाखा घटक १ ठाणे कडून करण्यात येत होता. या तपासात गुन्ह्यांचे समांतर तपासामध्ये गुन्हा घडला त्या ठिकाणचे सीसीटीव्ही फुटेज तपासण्यात आले होते. 

१०० सीसीटीव्ही फुटेजची तपासणी 

सीसीटीव्ही फुटेज तपासून गुन्हा केलेल्या व्यक्तीच्या वर्णनावरून त्यांचे ठाणे रेल्वे स्टेशन व मीरा रोड व उल्हासनगर या मार्गक्रमणातील एकूण १०० सीसीटीव्ही फुटेजची बारकाईने पडताळणी करण्यात आली. तसेच करण्यात आलेल्या तांत्रिक विश्लेषण मध्ये आरोपींच्या वर्णनावरून स्थानिक रिक्षा चालक हॉटेल व्यावसायिक यांचेकडे तपास करून आरोपी महंन्त भाने कामी (वय २३) आणि विष्णु रगुवा कामी (वय ३६) या दोघांना २० मार्च २०२५  रोजी अटक केली आहे. 

सव्वा दोन लाख रुपयांचा मुद्देमाल हस्तगत 

दरम्यान पोलिसांनी ताब्यात घेतलेले महंत कामी व विष्णू कामी या दोघांना ताब्यात घेतले असून त्यांनी चोरी केल्याची कबुली दिली आहे. तसेच त्यांच्याकडून २ लाख २६ हजार रुपयांचा मुद्देमाल हस्तगत करण्यात आला आहे. तर या चोरटयांनी आणखी कुठे चोरी केली आहे का? याचा तपास पोलीस करत आहेत.