विकास काटे 

ठाणे : ठाण्यातील एका खाजगी शाळेतील विद्यार्थ्यांची पिकनिक गेली असताना शालेय विद्यार्थीनीचा विनयभंग झाल्याचा प्रकार घडला होता. या प्रकरणी कापूरवाडी पोलिसांनी (Police) एका व्यक्तीस अटक केली आहे.जावेद खान असे अटक केलेल्या व्यक्तीचे नाव आहे. प्रकरणाचा पुढील तपास कापूरबावडी पोलीस करीत आहेत. (Breaking Marathi News)

ठाण्यातील (Thane) खासगी शाळेची पिकनिक गेली होती. या दरम्यान विद्यार्थीनींचा विनयभंग झाल्याची घटना दोन दिवसापूर्वी घडली होती. यानंतर आज पालकांनी शाळा (School) व्यवस्थापनाला विचारला केली. पालक आणि विद्यार्थी यांनी यावेळी गोंधळ घातल्यानंतर काही वेळ तणावाचे वातावरण निर्माण झाले होते. यानंतर पोलीस दाखल झाले होते. पोलिसांनी समजावून सांगितल्यानंतर परिस्थिती शांत झाली आहे. तरी देखील या खाजगी शाळेमधील विद्यार्थ्यांच्या सुरक्षेचा प्रश्न निर्माण झाला आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

तीन शिक्षकांना केले निलंबित 

या प्रकरणात पोलिसांनी जावेद खान या व्यक्तीस ताब्यात घेतले असून सदर प्रकरणाचा पुढील तपास कापूरबावडी पोलीस करीत आहेत. दरम्यान पालक व विद्यार्थ्यांनी गोंधळ घातल्यानंतर पिकनिक घेऊन जाणाऱ्या तीन शिक्षकांना देखील निलंबित केले आहे.