राज्यातील स्थानिक स्वराज्य संस्थांच्या निवडणुकाचं बिगुल वाजलयं.मात्र महापालिका निवडणुकांसाठी अद्याप वाट पाहावी लागणार आहे.अशातच ठाकरे बंधूंनी मुंबई महापालिकेसाठी रणनीती आखत जोरदार मोर्चेबांधणी सुरु केलीय.

मुंबई महापालिकेत ठाकरेसेनेची सत्ता आली तर आदित्य ठाकरे महापौर होणार अशी चर्चा रंगलीय...या चर्चेवर स्पष्टीकरण देत उद्धव ठाकरेंनी मोदी आणि अमित शाह यांना अहमदाबादचा महापौर बनवण्याची संघात चर्चा सुरु असल्याचा खोचक टोला लगावलाय....

दुसरीकडे ठाकरेचं राजकारण पाहता मुंबईत त्यांचा महापौर झाला तरी खाऊगिरीची मानसिकता ते राबवणारचं, अशी टीका भाजपनं केलीय...आधीच मुंबई महापालिका जिंकण्यासाठी भाजपनं कंबर कसलीय....त्यासाठी भाजपनं मित्रपक्षांसोबतही जुळवून घेण्याचे प्रयत्न केलेत... तर दुसरीकडे मुंबईचा बालेकिल्ला राखण्यासाठी ठाकरे बंधूही एकत्र येणार आहेत... त्यामुळे हा लढा ठाकरे बंधू विरूद्ध भाजप असाच रंगणार असला तरी मुंबईचा महापौर नेमका कोण होणार? ठाकरे बंधू आणि भाजप निवडणुकीआधी महापौर पदाचा चेहरा जाहीर करणार का? हे पाहणं महत्त्वाचं आहे.