शिवसेनेत दुसऱ्यांदा झालेल्या फुटीनंतर राजकीय नेत्यांमध्ये आरोप-प्रत्यारोपांचा धुरळा उडालाय... एकनाथ शिंदेंनी केलेल्या बंडानंतर 50 खोक्यांची घोषणा राज्यात चर्चेचा विषय ठरली होती... अशातच ठाकरेसेनेतील खासदारांच्या फुटीनंतर यावेळीही कथित आर्थिक व्यवहाराचे आरोप खासदारांवर होऊ लागलेत.... मराठवाड्यातील एका कॉन्ट्रेक्टरनं 6 बंडखोरांना पैसे पुरवल्याचा मोठा गौप्यस्फोट ठाकरेसेनेच्या चंद्रकांत खैरेंनी केलाय.....

बंडखोरीच्या महिनाभरापूर्वीच पैशांचे टोकन देण्यात आलं. मराठवाड्यातील एक मोठा कॉन्ट्रॅक्टरला पैसे पुरवण्याची जबाबादारी देण्यात आली होती.. 6 खासदारांचे पैसे कॉन्ट्रॅक्टरनं पुरवायचे, अशी अट होती... त्यात खासदारांना पैसे मिळाल्यावर मोठं काम देण्याचं कॉन्ट्रॅक्टरला आश्वासन देण्यात आलं...त्यामुळे फुटीनंतर कॉन्ट्रॅक्टरनं प्रत्येक खासदारांला घरपोच पैसे पाठवल्याची चर्चा आहे...

मुळात चंद्रकांत खैरेंआधी खासदार संजय राऊतांनीही बंडखोर खासदारांवर पैशांच्या व्यवहाराचे गंभीर आरोप केलेत... प्रत्येकी 50 कोटींमध्ये खासदारांची डील झाल्याचा आरोपही राऊतांनी केला होता. दुसरीकडे शरद पवारांच्या राष्ट्रवादीच्या नेत्यांनी फुटलेल्या एका खासदाराचा रेट 85 कोटी असल्याचाही आरोप केलाय.. त्यामुळे खासदारांच्या फुटीमागे पैशांचे व्यवहार कारणीभूत आहेत का असा सवाल उपस्थित झालाय. महाराष्ट्राच्या राजकारणात नेमकं काय सुरु आहे. समाजसेवेसाठी मिळालेली पद, प्रतिष्ठा फक्त पैशांसाठी लोकप्रतिनिधींकडून गहाण ठेवली जातेय का? हा खरा सवाल आहे...