Sushma Andhare Viral Post: नुकतीच मनसे (MNS) अध्यक्ष राज ठाकरे (Raj Thackeray) यांची उपमुख्यमंत्री देवेंद्र फडणवीस यांच्या पत्नी अमृता फडणवीस यांनी मुलाखत घेतली. या मुलाखतीत अमृता फडणवीस यांनी सुषमा अंधारे यांच्यावर जोरदार टीका केली होती. याच मुलाखतीवरुन ठाकरे गटाच्या उपनेत्या सुषमा अंधारे यांनी अमृता फडणवीस यांच्यावर टीका केली आहे.

"सुषमा अंधारे या माझ्यासारख्या वाटत होत्या," असं अमृता फडणवीस म्हणाल्या होत्या. अमृता फडणवीस यांच्या या विधानावरच अंधारे यांनी सवाल केला आहे. त्यांची ही फेसबूक पोस्ट सध्या चांगलीच चर्चित आली आहे. (Latest Marathi News)

काय आहे सुषमा अंधारे यांची ती पोस्ट...

या व्हायरल पोस्टमध्ये सुषमा अंधारे (Susmha Andhare) म्हणतात की, अमृता वहिनींना (Amruta Fadanvis) मी त्यांच्यासारखे वाटते असं त्या जाहीरपणे एका मुलाखती दरम्यान म्हणाल्या. मी सतत विचार करत होते की मी त्यांना कोणत्या अँगलने त्यांच्यासारखी वाटत असेल बरं? कारण दिसायला तर त्या निश्चितपणे माझ्यापेक्षा अधिक सुंदर आहेत. श्रीमंत ही आहेत. बाकी मला नरडं आहे त्यांना गळा आहे. मग काय साधर्म्य असेल आमच्यामध्ये?"

या पोस्टमध्ये त्या पुढे म्हणतात की, "मग मला कधीतरी वाटलं की कदाचित भाषा प्रभुत्व हे दोघीतलं साम्य असेल का? पण छे! कालची मुलाखत आणि त्यातलं त्यांचं कॉन्टिनेन्टल उच्चारात मराठी ऐकलं अन् खात्री पटली की आमच्यात साम्य असे काहीच असु शकत नाही,"

राज ठाकरेंवरही साधला निशाणा...

या मुलाखतीवरुन सुषमा अंधारे यांनी मनसे अध्यक्ष राज ठाकरे यांच्यावरही जोरदार निशाणा साधला आहे. "मराठी मनाचे मानबिंदू असणारे, मराठी भाषेचे पाईक, मराठी वाचवा चा ध्यास घेणारे, वेळप्रसंगी मेडिकल, इंजिनिअरिंग, लॉ ची पुस्तके सुध्धा मराठीत व्हावीत यासाठी कृष्णकुंज चे रान हादरवणारे राजदादा यांना, मी बोल्ली, मला चान्स मिळाली, या टाईपच मराठी ऐकुन कानात शिसं ओतल्यासाखं झालं असेल, असा टोला त्यांनी लगावला आहे. (Maharashtra Politics)