क-हाड : क-हाड (karad) नजीकच्या गजानन हाउसिंग सोसायटी येथील बँक ऑफ इंडियाच्या (bank of india) एटीएममध्ये (atm) मध्यरात्री चार चोरटे चोरी करत असताना कराड पोलिसांना माहिती मिळाल्यानंतर त्वरित घटनास्थळी जाऊन त्यांना जीवाची पर्वा न करता पकडणा-या चार पोलिसांना एसपी अजयकुमार बन्सल यांनी प्रत्येकी दहा हजार रुपयांचे पारिताेषिक जाहीर केले आहे. (karad crime news)

या संशयित आरोपींनी एटीएममध्ये जिलेटीन ठेवले असल्याची माहिती मिळाल्यानंतर बॉम्ब शोधक पथकाला पाचारण करण्यात आले. या पथकाने जिलेटीनचा त्याच एटीएममध्ये स्फोट केला आणि जिलेटीन निकामी केले. जिलेटीन मोठ्या क्षमतेचे असल्याने मोठा स्फोट झाला त्यामुळे परिसर दणाणला.

या घटनेची माहिती मिळताच जिल्हा पोलिस अधीक्षक अजयकुमार बन्सल (ajaykumar bansal) , अपर जिल्हा पोलिस अधीक्षक अजित बोरहाडे, उपविभागीय पोलिस अधिकारी डॉ. रणजित पाटील, वरिष्ठ पोलीस निरीक्षक बी. आर. पाटील घटनास्थळी पोहचले. यावेळी ज्या चार पोलिसांनी चोरट्याला पकडले त्यांना दहा हजार रुपयांचे बक्षीस जिल्हा पोलिस अधीक्षकांनी जाहीर केले.

एसपी बन्सल म्हणाले या प्रकरणात ताब्यात घेण्यात आलेला संशयित हा पुण्यातील आहे. अन्य काहीजण पळून गेलेत. त्यातील एकजण स्थानिक आहे. पाेलिस तपास करीत आहेत.

Edited By : Siddharth Latkar