परभणी: सोनपेठ येथील तहसीलदार आशिषकुमार बिरादार (Tahsildar Ashishkumar Biradar) यांना एका तक्रारकर्त्याकडून 55 हजार रुपयांची लाच मागितल्याबद्दल लाचलुचपत प्रतिबंधक विभागाच्या एका पथकाने सोमवारी (दि.02) सायंकाळी ताब्यात घेतले असल्याची खळबळजनक माहिती हाती आली आहे. एका वाळूचे टिप्पर सोडविण्याकरीता ही लाच मागितल्याची माहिती आहे. या प्रकरणाबाबत सोनपेठ पोलिसांत गुन्हा दाखल करण्याची प्रक्रिया सुरु आहे.

सेलू येथील उपविभागीय अधिकारी राजेंद्र पाल यांनी मागितलेल्या दीड कोटी रुपयांच्या लाचेच्या प्रकरणाच्या पार्श्‍वभूमीवर लाच लुचपत प्रतिबंधक विभागाने या जिल्ह्यातील आणखी एका अधिकार्‍याविरुध्द केलेल्या या धाडसी कारवाईने जिल्ह्यातील प्रशासकीय विभागात मोठी खळबळ उडाली आहे.

➡ युनिट : परभणी

➡ तक्रारदार :- पुरूष, वय- 22वर्ष

➡ आरोपी: 1)आशिष कुमार बिरादार वय 43 वर्षे, तहसीलदार ता सोनपेठ जि. परभणी

2) सय्यद इसाक सय्यद रहीम,वय 30 वर्ष,संगणक ऑपरेटर, तहसील सोनपेठ ,जि परभणी

➡ लाचेची मागणी- 55,000/-

➡ लाचेची मागणी/पडताळणी दिनाक:- 30/07/2021

➡ लाच स्विकारली:- 55000रु दिनांक 2/8/2021

➡ लाचेचे कारण :- तक्रारदार यांना रेती ची ट्रक ने वाहतूक करण्यासाठी व वाहतूक करीत असताना कोणतीही कार्यवाही न करण्यासाठी मासिक हप्ता म्हणून 55000 रु लाचेची मागणी करून आरोपी क्रमांक 1 ने आरोपी क्रमांक 2 चे मार्फतीने स्वीकारली

➡ यशस्वी सापळा दिनांकः- 2/08/2021 रोजी शिवाजी चौक सोनपेठ

➡ मार्गदर्शन:-

श्रीमती कल्पना बारवकर, पोलिस अधीक्षक, नांदेड परिक्षेत्र. श्रीमती अर्चना पाटील, अपर पोलिस अधीक्षक, नांदेड परिक्षेत्र.

➡ सापळा पथक :- निलेश सुरडकर, पोलीस उपअधीक्षक हिंगोली, श्री भरत हुंबे पोलीस उप अधीक्षक ,परभणी व ला प्र वि टीम परभणी /हिंगोली

Edited By: Pravin Dhamale