राजकारणात भावा-बहिणींमध्ये, पित्रा-पुत्रांमध्ये निवडणुकीचं शीतयुद्ध रंगताना तुम्ही अनेकदा पाहिलं असेलच...मात्र भऱसभेत एकमेंकाना राजकारणाचे धडे देण्याचा अनोखा प्रकार विखे पिता- पुत्रानं केलाय... राहुरीचे आमदार शिवाजी कर्डिले यांच्या निधनानंतर रिक्त झालेल्या जागेवर मुलगा अक्षय कर्डिले यांना विधानसभेची उमेदवारी द्यावी, यासाठी समर्थकांनी मेळाव्याचे आयोजन केलं होतं.. यावेळी भरसभेत सुजय विखेंनी विरोधकांपेक्षा गाडीत बसणाऱ्या कार्यकर्त्यांपासून सावध राहा, असा सल्ला अक्षय कर्डिलेसह वडील राधाकृष्ण विखे पाटलांना दिल्यानं एकच हशा पिकलाय...

दुसरीकडे मुलाने दिलेल्या सल्ल्यावर राधाकृष्ण विखे पाटील यांनीही प्रतिक्रिया दिली. मी सहसा गाडीत कुणाला घेत नाही, मात्र कार्यकर्ते ज्यावेळी गाडीत बसतात त्यावेळी आपले कान पक्के ठेवले पाहिजे, असाच सल्ला राधाकृष्ण विखे पाटलांनी दिला...

राजकारणाचे धडे गिरवण्याआधीच विखे पिता-पुत्रानं दिलेला सल्ला अक्षय़ कर्डिले चांगलाच लक्षात ठेवतील... राहुरी मतदारसंघाच्या पोटनिवडणुकीत विधानसभेची उमेदवारी अक्षय यांना मिळावी, यासाठी समर्थकही आग्रही आहेत... त्यामुळे विखे पिता-पुत्रांचं अक्षय यांना सल्ला देणं म्हणजे राहुरीच्या पोटनिवडणुकीसाठी अक्षय कर्डिले यांच्या उमेदवारीवर शिक्कामोर्तब करण्यासारखंच आहे...