नागपूर : नागपुरात जिल्हा बाल संरक्षण समितीने एक बालविवाह रोखला आहे. नागपूरच्या कळमना परिसरात 15 वर्षाची मुलगी तर 18 वर्षाच्या मुलाचा बालविवाह (Child Marriage) आयोजित करण्यात आला होता.

मात्र या विवाहाची माहिती मिळताच नागपूरात (Nagpur) जिल्हा बाल संरक्षण समितीचे (District Child Protection Committee) सदस्य सदर विवाहस्थळी गेले आणि त्यांनी वर वधू बोहल्यावर चढण्याच्या तयारी असतानाच मंडपात पोहचून हा बालविवाह थांबवला. बाल संरक्षण समिती पथकाने वधू-वरच्या वयाचा दाखला मागताच नातेवाईकांचे धाबे दणाणले दाखले बघितल्यानंतर हा बालविवाह थांबविण्यात संबंधीत अधिकाऱ्यांना यश आलं.

म्हणून होतायत बालविवाह -

मुलगी अठरा वर्षाची झाल्यानंतर तिचा विवाह कायद्यानुसार करावा लागतो. अठरा वर्षांपेक्षा कमी वय असल्यानंतर लग्न केल्यास तो कायद्यानुसार (Marriage Act) गुन्हा ठरतो. हे माहीत असूनही या विवाह होणार होता. नुकतीच येऊन गेलेली कोरोना महामारी आणि यामुळं शाळेपासून वंचित राहिलेल्या खेड्यातील मुलांतं लवकर लग्न करून आपल्या जबाबदारीतून काही पालक मुक्त व्हायचा विचार करतायत आणि त्यामुळेच कदाचित बालविवाहाचं प्रमाण वाढलं आहे.

Edited By - Jagdish Patil