अक्षय शिंदे, साम टीव्ही, प्रतिनिधी

जालन्यातून एक मोठी बातमी समोर आली आहे. येथे अज्ञात आंदोलकाकडून एसटी बसवर दगडफेक झाल्याची घटना घडली आहे. धुळे सोलापूर महामार्गावरील शिवाजीनगर जवळ बसची तोडफोड करण्यात आली आहे.

मिळालेल्या माहितीनुसार, जालन्यातील धुळे सोलापूर महामार्गावरील शिवाजीनगर येथे ही थोडफोड करण्यात आली आहे. अज्ञात आंदोलकांकडून ही दगडफेक करण्यात आल्याची माहिती आहे. हे एसटी बस संभाजीनगरहून बीडच्या दिशेने जात होती. यावेळी अज्ञात आंदोलकांनी अचानक या बसवर दगडफेक केली आहे.

ज्यावेळी बसवर दगडफेक झाली त्यावेळी या बसमध्ये जवळपास 32 प्रवासी हे प्रवास करत होते. सुदैवाने या दगडफेकीत कोणालाही दुखापत झालेली नाही, सगळे प्रवासी हे सुखरूप असल्याची माहिती आहे. दगडफेकीत या बसचे जवळपास 15 हजारांचे नुकसान झाल्याची प्राथमिक माहिती मिळत आहे. थोड्याच वेळात बसचे चालक हे पोलिसात याप्रकरणी तक्रार दाखल करणार आहेत.