धुळे : वेळेवर पगार होत नसल्यामुळे आर्थिक संकटाचा सामना करणाऱ्या एसटी कर्मचाऱ्याने आत्महत्या केल्याची धक्कादायक घटना धुळ्यात घडली आहे. त्यामुळे राज्य मार्ग परिवहन महामंडळाच्या (MSRTC) कार्यपद्धतीवर प्रश्नचिन्ह निर्माण होत आहे. कमलेश बेडसे असे आत्महत्या केलेल्या बस चालकाचे नाव आहे.

हे देखील पहा -

तर मृत बस चालकाच्या नातेवाईकांनी एसटी महामंडळास दोषी ठरवत एसटी महामंडळावर सदोष मनुष्यवधाचा गुन्हा दाखल करण्याची मागणी केली आहे. जोपर्यंत मागणी मान्य होत नाही, तोपर्यंत मृतदेह ताब्यात न घेण्याचा पवित्रा नातेवाईकांनी घेतला आहे.

कमलेश बेडसे (45) चालक म्हणून एसटी महामंडळामध्ये सेवा देत होते. गेल्या काही महिन्यांपासून वेळेवर पगार होत नसल्यामुळे त्यांना आर्थिक अडचणींचा सामना करावा लागयत होता. आर्थिक अडचणींमुळेच त्यांनी जीवन संपविले आहे. आत्महत्या करण्यापूर्वी लिहलेल्या सुसाईड नोटमध्ये त्यांनी एसटी महामंडळाला जबाबदार धरले आहे. या कर्मचाऱ्याच्या आत्महत्येनंतर एसटी कर्मचाऱ्यांनी साक्री डेपो बंद करून कुठलीही बस, बस स्थानकावर येण्यास अथवा स्थानकातून जाण्यास मज्जाव केला.

Edited By : Krushnarav Sathe