गडचिरोली : राज्य राखीव पोलिस दलाच्या दोन जवानांनी एकमेकांवर केला गोळीबार केल्याची धक्कादायक घटना गडचिरोलीमध्ये (Gadchiroli) घडली आहे. एकमेकांवर गोळीबार केलेले हे दोन्ही जवान पोलीस मदत केंद्र मरपल्ली येथे तैनातीस होते. दोघांच्या वैयक्तिक वादातुन एकमेकांवर रायफलने फायर केल्याची प्राथमिक माहिती समोर आली आहे.

हे देखील पाहा -

या गोळीबारात दोन्ही जवानांचा मृत्यू झाल्याची माहिती सूत्रांनी दिली आहे. श्रीकांत बेरड व बंडू नवथरे अशी या मृत जवानांची नावे असून दोघंही दौंड पुणे येथील SRPF कॅम्पचे जवान होते. घटनेनंतर वरीष्ठ पोलीस अधिकारी घटनास्थळी दाखल झाले असून दोन्ही शव उत्तरीय तपासणीसाठी जिल्हा सामान्य रुग्णालयात (Hospital) पाठविण्यात आलं आहेत.

Edited By - Jagdish Patil