विश्वभूषण लिमये

सोलापूर: सोलापूरहून मंगळवेढ्याकडे भरधाव वेगाने आणि चुकीच्या बाजूने निघालेल्या ट्रकने कारला समोरून जोरदार धडक दिली आहे. या अपघातात एक जण जागीच ठार तर अन्य दोघे गंभीर जखमी झाले आहेत.

हे देखील पहा-

ही घटना सोलापूर Solapur मंगळवेढा महामार्गावरील बेगमपूर गावाजवळील स्टेट बँकेसमोर आज घडली आहे. सुनील वाघमारे असे अपघातातील मृताचे नाव आहे. तर गिरीश माने आणि हर्षवर्धन सर्वगोड अशी अपघातातील जखमींची नावे आहेत.

जखमींवर सोलापुरातील खासगी रुग्णालयात उपचार सुरु आहेत. ट्रक चालकाचा वाहनावरील ताबा सुटल्याने महामार्गावरील दुभाजक तोडून ट्रकने कारगाडीला समोरून जोरदार धडक दिली. यातून हा अपघात घडला आहे. घटनेनंतर ट्रक चालकाने तात्काळ पलायन केले. पुढील कारवाई कामती पोलीस करत आहेत.

Edited By-Sanika Gade