सोलापूर : घराला कुलूप लावून मुलाच्या सासरवाडीला गेल्याची संधी चोरट्यांनी साधली. चोरट्यांनी कांदा (Onion) विक्रीतून आलेले ८५ हजार रुपये आणि ११ तोळे सोने (Gold) घेऊन पोबारा केला. ही घटना होनसळमधील तानाजी लक्ष्मण पवार यांच्या घरी घडली. (Live Marathi News)

उत्तर सोलापूर तालुक्यातील होनसळमधील तानाजी लक्ष्मण पवार हे घर बंद करून कुटुंबीयांसमवेत बार्शीतील मुलाच्या सासरवाडीला नातवाला पाहण्यासाठी गेले होते. परत आल्यानंतर त्यांना दरवाजा उचकटल्याचे लक्षात आले. त्यांनी घर उघडल्यानंतर घरातील कांद्याची आलेली पट्टी ८५ हजार रुपये रोख तसेच विविध प्रकारचे ११ तोळे दागिने जागेवर दिसून आले नाही.

पोलिसांकडून तपास सुरू

पवार यांनी घरातील चोरीबाबत तात्काळ (Solapur) सोलापूर तालुका पोलिसांना माहिती कळवली. पोलिसांनी घटनास्थाळाची पाहणी करत पंचनामा केला. चोरी गेलेल्‍या मुद्देमालाची नोंद करत चोरांचा शोध सुरू केला आहे.