सोलापूर : सोलापूर शहरवासीयांच्या पाण्यासाठी आक्रमक होत (Shiv Sena) शिवसेना उद्धव बाळासाहेब ठाकरे पक्षाच्यावतीने महापालिकेच्या प्रवेशद्वारात पायऱ्यांवर सत्‍यनारायण महापूजा घालत ठिय्या आंदोलन करण्यात आले. (Maharashtra News)

सोलापूर (Solapur) शहरवासीयांना मागील दोन महिन्यांपासून अनियमित आणि गढूळ पाणी पुरवठा केला जात आहे. यामुळे नागरिक हैराण झाले आहेत. स्मार्ट सिटीच्‍या यादीत सोलापूर शहराचा सहभाग असताना देखील शहर वासियांना चार ते पाच दिवसाआड पाणी पुरवठा होत आहे. या प्रश्‍नावर शिवसेना उद्धव बाळासाहेब ठाकरे पक्ष आक्रमक झाल्‍याचे पहावयास मिळाले.

तर प्रशासनाचे घालणार श्राद्ध

सत्‍यनारायण महापुजेनंतर सुरळीत पाणी पुरवठा होईल; असा आशावाद व्यक्त करत शिवसेना उद्धव बाळासाहेब ठाकरे पक्षाच्यावतीने पालिकेच्या पायऱ्यांवर सत्यनारायण महापूजा घालण्यात आली. या सत्यनारायण महापूजेनंतर देखील प्रशासनाला सद्बुद्धी येऊन पाणीपुरवठा सुरळीत सुरू न झाल्यास प्रशासनाचे श्राद्ध घालण्यात येईल; असा इशारा यावेळी शिवसैनिकांकडून देण्यात आला आहे.