Solapur News: देशभरात नववर्षाचे जल्लोशात स्वागत सुरू आहे. असतानाच सोलापूर जिल्ह्यातील बार्शीमध्ये फटाका फॅक्टरीमध्ये भीषण स्फोट झाल्याची घटना घडली आहे. नाशिकमध्ये जिंदाल कंपनीला लागलेल्या आगीची बातमी ताजी असतानाच नववर्षाच्या पहिल्याच दिवशी सोलापूरमधील भीषण स्फोटाने खळबळ उडाली आहे. (Solapur)

याबाबत अधिक माहिती अशी की, सोलापूर जिल्ह्यातील बार्शी तालुक्यातील पांगरीनजीक ही फटाक्याची फॅक्टरी आहे. फॅक्टरीमध्ये फटाके बनवण्याचे काम सुरू असतानाच हा भीषण स्फोट झाल्याची माहिती समोर आली आहे. हा स्फोट झाला त्यावेळी फॅक्टरीमध्ये चाळीसहून अधिक कर्मचारी काम करत असल्याचेही सांगितले जात आहे. त्याचबरोबर या स्फोटात एक मृत्यू तर सहा ते पाच जण जखमी झाल्याचे स्थानिकांकडून सांगण्यात येत आहे.

दरम्यान, या स्फोटाची माहिती मिळताच प्रशासनाकडून आग विझवण्याचे शर्थीचे प्रयत्न सुरू असून लोकांना वाचवण्यासाठीही मदतकार्य सुरू असल्याची माहिती समोर आली आहे. (Latest Marathi News)