Dr. Shirish Valsangkar Death Case Update : सोलापुरचे प्रसिद्ध न्यूरोसर्जन डॉ. शिरीष वळसंगकर यांच्या मृत्यू प्रकरणात मोठी अपडेट समोर आली आहे. वळसंगकारांनी आयुष्य संपवण्याआधी एक लिहिलेली नोट पोलिसांना मिळाली आहे. त्यामुळे या प्रकरणाला वेगळं वळण मिळाले आहे. वळसंगकरांनी त्या नोटमध्ये महिलेचा उल्लेख केला होता. पोलिसांनी रूग्णालयातील महिलेला अटक केली असून तपास सुरू आहे. सूत्रांच्या माहितीनुसार शनिवारी रात्री १० च्या सुमारास पोलिसांनी या प्रकरणी गुन्हा दाखल केला.त्यानंतर रात्रीच न्यायालयाची परवानगी घेऊन आरोपी महिलेला अटक केली आहे.

न्यूरोसर्जन वळसंगकरांनी सुसाईड नोटमध्ये मनीषा मुसळे माने या महिलेच्या नावाचा उल्लेख केला होता. पोलिसांनी मनीषा मुसळे हिला आत्महत्येस प्रवृत्त केल्याप्रकरणी अटक केली आहे. मनीषा मुसळे माने हिच्याविरोधात गुन्हा दाखल करण्यात आला आहे. त्या महिलेला सोलापूर पोलिसांनी रूग्णालयातून अटक केली आहे. मनीषा हिच्यावर वळसंकर यांच्या कुटुंबियांनी गंभीर आरोप केले होते. मनीषा मुसळे-माने या वळसंगकर यांच्या हॉस्पिटलमध्ये प्रशासकीय अधिकारी म्हणून काम पाहात होत्या.