सोलापूर : गेल्या अनेक दिवसांपासून सोलापूरची (Solapur) प्रभाग रचना कशी असेल याबाबत उत्सुकता होती. आज प्रभाग रचना जाहीर होताच इच्छुक उमेदवार आणि त्यांच्या कार्यकर्त्यांची मोठी गर्दी पालिकेत (Solapur Mahapalika) पाहायला मिळाली. अनेक प्रभाग जैसे थे राहिल्याने इच्छुक उमेदवारांनी आनंद व्यक केला.

हे देखील पहा :

तर, काही प्रभाग (Ward) फुटल्याने काही जण नाराज असल्याचं ही पाहायला मिळालं. नव्या रचनेनुसार तीन सदस्य पद्धतीने होणाऱ्या सोलापूर (Solapur) महानगर पालिकेच्या निवडणुकीतून (Election) 38 प्रभागातून 113 नगरसेवक (Corporator) निवडण्यात येणार आहेत. यातील 37 प्रभाग तीन नगरसेवकांचे तर 38 वा प्रभाग दोन नगरसेवकांचा असेल.

साधारणपणे 22 हजार 700 ते 27 हजार 600 लोकसंख्येचा एक प्रभाग करण्यात येणार आहे. आज झालेल्या प्रारूप प्रभाग रचनेवर 14 फेब्रुवारी पर्यंत सूचना हरकती नोंदवता येणार आहेत. त्यानंतर निवडणूक आयोगाकडून अंतिम प्रभाग रचना जाहीर होणार आहे.

Edited By : Krushnarav Sathe