सोलापूर : भाजपचे (BJP) सोलापूर जिल्हाध्यक्ष श्रीकांत देशमुख यांचा बेडरुममधील महिलेसोबतचा खळबळजनक व्हिडीओ सोशल मीडियावर व्हायरल झाला आहे. या सदर व्हिडीओतील महिलेने देशमूख यांनी फसवणूक केल्याचा आरोप केला आहे. हा व्हिडीओ सोशल मीडियावर प्रचंड व्हायरल झाला आहे. त्यानंतर भाजपची वरिष्ठ नेते खडबडून जागे झाले. त्यानंतर वरिष्ठाच्या आदेशानंतर श्रीकांत देशमुख यांनी त्यांचा पदाचा राजीनामा दिला आहे. (Solapur Shrikant Deshmukh News In Marathi )

सदर व्हिडीओत महिलेने श्रीकांत देशमुख फसवणुकीचे गंभीर आरोप केले. सदर व्हिडीओत महिला आरोप करताना म्हणते, 'हा जो माणूस आहे, नाव श्रीकांत देशमुख आहे. यानं मला फसवलं आहे. हा बायकोबरोबरच संबंध ठेवून माझ्याशी संबंध ठेवतोय. लग्न करतोय हा'. असे आरोप महिलेने देशमुख यांच्यावर केले. सदर व्हिडीओ सोशल मीडियावर व्हायरल झाल्यावर सोलापूरच्या राजकीय वर्तुळात उलट सुलट चर्चा सुरू झाली आहे. व्हायरल व्हिडीओनंतर भाजपच्या वरिष्ठ नेत्यांच्या आदेशानंतर श्रीकांत देशमुख यांनी पदाचा राजीनामा दिला आहे.

दरम्यान, सोशल मीडियावर व्हिडीओ व्हायरल झाल्यानंतर भाजपचे सोलापूर (Solapur) जिल्हा अध्यक्ष श्रीकांत देशमुख यांनी राजीनामा दिला आहे. तर भाजपचे प्रदेशाध्यक्ष चंद्रकांत पाटील यांनी त्यांचा राजीनामा स्वीकारला आहे. श्रीकांत देशमुख यांच्या राजीनाम्यानंतर सोलापूरच्या राजकारणात उलट-सुलट चर्चा सुरू झाली आहे.

श्रीकांत देशमुख यांच्या राजीनाम्यानंतर चंद्रकांत पाटील यांना सोलापूर ग्रामीण जिल्हाध्यक्षपदाचा तात्पुरता पदभार हा सोलापूर शहर जिल्हाध्यक्ष विक्रम देशमुख यांच्याकडे सोपविला आहे. तसेच व्हायरल व्हिडीओमधील महिलेने श्रीकांत देशमुख यांच्या विरोधात फसवणुकीची तक्रार केली आहे. सदर व्हिडीओ सोलापूर जिल्ह्यामध्ये मोठ्या प्रमाणात व्हायरल झाला आहे.