साेलापूर (Accident news) : सोलापूर (solapur) जिल्ह्यातील बार्शी - कुर्डुवाडी रस्त्यावर तिरकस पुलाजवल ट्रॅक्टर आणि खासगी बसचा भीषण अपघात झाला. या अपघातात (accident) दोन जण जागीच ठार झाले आहेत. तसेच १० जण गंभीर जखमी असल्याची प्राथमिक माहिती उपलब्ध झाली आहे.

हा अपघात साधारणतः पहाटे चार वाजता झाला आहे. या अपघातामधील जखमींना तातडीने बार्शीतील एका रुग्णालयात हलविण्यात आले आहे. तेथे त्यांच्यावर उपचार सुरू झाल्याची माहिती पाेलिसांनी (police) दिली.

या अपघाताची माहिती मिळताच बार्शी तालुका पोलिस ठाण्याचे कर्मचारी घटनास्थळी पाेहचले. हा अपघात पहाटेच्या सुमारास घडल्याने घटनास्थळावरुन जितकी माहिती घेता येईल तितकी पाेलिस घेत आहेत. पुढील तपास बार्शी (barshi) पाेलिस करीत आहेत.

edited by : siddharth latkar