विनोद जिरे

बीड : एसटीच्या संपाचा (ST Strike) फटका ग्रामीण भागातील प्रवाशांना मोठ्याप्रमाणात बसत आहे. वेळवर गाडी मिळत नसल्यामुळे जीव धोक्यात घालून मिळेल त्या वाहनांने प्रवास करावा लागत आहे. बीडच्या (Beed) माजलगाव तालुक्यातील जदीद जवळा गावातील, चक्क एक-दोन नव्हे तर सहा जण एकाचं मोटारसायकलवर प्रवास करत होते, 2 लहान चिमुकले मुले आणि तीन पुरुष व एक महिला असा प्रवास करत असल्याचे चित्र पाहायला मिळत आहे. (latest beed news)

खासगी प्रवासी वाहतूक करणारी जीप रिक्षा अडवणूक करून प्रत्येकी 100 रुपये मागत होते, म्हणून आम्ही गाडीवर चाललो अस उत्तर यावेळी त्यांनी दिले. यावेळी एक झोपलेल्या स्थितीत लहान मूल पेट्रोल टाकीवर तर एक महिलेच्या कंबरेला बांधलेल्या अवस्थेत, कल्याण- विशाखापट्टणम हायवेवर प्रवास करत होते.

हे देखील पहा-

असुरक्षित प्रवासामुळे अपघाताला निमंत्रण दिले जाऊ शकते. त्यामुळे एसटीच्या संपावर लवकरात लवकर तोडगा काढून, सर्वसामान्यांची होणारी हेळसांड थांबवावी. अशी मागणी गावखेड्यातून होत आहे.