विनायक वंजारे, साम प्रतिनिधी

मुंबई-गोवा महामार्गावर ट्रक आणि एका दुचाकी भीषण अपघात झालाय. यात दुचाकीवरील मुलाचा मृत्यू झालाय, तर एक महिला गंभीर जखमी झालीय. हा अपघात कणकवली जवळ असलेल्या गडनदी नजीकच्या धोकादायक वळणावर झालाय.अपघातात दुचाकीवरील मुलाचा मृ्त्या झाल्यानंतर स्थानिक नागरिक संतप्त झाले आहेत. मोठ्या संख्येने ग्रामस्थ रस्त्यावर उतलरल्याने महामार्गावरील वाहतूक ठप्प झाली होती.

अपघातानंतर रास्ता रोको करणाऱ्या नागरिकांनी आपल्या मागण्या प्रशासनासमोर ठेवल्या. त्या मागण्याबाबत प्रशासन स्तरावर निर्णय घेऊन मान्य करू असा शब्द पोलीसांनी दिलाय. त्यानंतर महामार्ग मोकळा करण्यात आला असून वाहतूक पूर्ववत होत आहे.