महाराष्ट्राच्या राजकारणात सध्या 500 कोटींच्या कथित ऑडिओ क्लिपवरून वादंग निर्माण झालाय...यावरून भाजप आणि शिंदेसेनेत जोरदार जुंपलीय. मात्र आता शिंदेंनीच या ५०० कोटींचा शोध घेण्याचं ठरवलंय. कारण ज्याच्याकडे 500 कोटी पाठवले होते, तो माझ्यापर्यंत पोहोचलाच नसल्याचं विधान श्रीकांत शिंदेंनी केलंय.. तर दुसरीकडे हे पैसे जर त्यांच्याकडेही पोहचले नसतील तर मग हा परस्पर डाव कुणी रचाल याचा शोध फडणवीस आणि शिंदेंनी घ्यायला हवा अशी मागणी जरांगेंनी केलीय.

दरम्यान या वादात आता काँग्रेसचे ज्येष्ठ नेते आणि माजी मुख्यमंत्री पृथ्वीराज चव्हाण यांनीही उडी घेतलीय...मनोज जरांगे-पाटील आणि उपमुख्यमंत्री एकनाथ शिंदे या दोघांचंही नेतृत्व संपवण्याचा हा एक मोठा कुटील डाव असल्याचा दावा पृथ्वीराज चव्हाणांनी केलाय...

500 कोटींच्या या वादग्रस्त ऑडिओ क्लिपनंतर भाजप- शिंदेसेनेतील अंतर्गत वाद चांगलाच चव्हाट्यावर आलाय. त्यामुळे हा ऑडिओ क्लीपमधून 500 कोटींचा बॉम्ब फोडणारा मास्टर माईंड कोण आहे? नेमकं कोण कुणाला संपवण्याचा कट रचतोय याची खरोखर निष्पक्ष चौकशी करण्याची गरज आहे.