लातूर : बायको (Wife) नांदायला येत नसल्याने जावयाने सासूवर कोयत्याने हल्ला केला. त्यानंतर स्वतःला जाळून घेतलं. इतकंच नाही तर, त्याने स्वतःच्या मुलावर देखील हल्ला केला. या घटनेत सासू आणि आरोपी जावायाचा मृत्यू झाला असून मुलगा जखमी झाला आहे. अंगावर काटा आणणारी ही थरारक घटना लातूर (Latur) जिल्ह्यात मंगळवारी मध्यरात्रीच्या सुमारास घडली. (Latur Crime News)

रजनीकांत वेदपाठक आणि चंद्रसेना संजय वेदपाठक अशी मृत्युमुखी पडलेल्या दोघांची नावे आहेत. प्राप्त माहितीनुसार, रजनीकांत यांची पत्नी आणि मुलगा कार्तिक हे त्यांच्या माहेरी राहत होते. पत्नी घरी नांदायला येत नसल्याने जावई रजनीकांत यांचा राग 50 वर्षीय सासू चंद्रसेना संजय वेदपाठक यांच्यावर राग होता.

दरम्यान, मंगळवारी रात्री ८ वाजेच्या सुमारास जावई रजनीकांत हा लातूर शहरातील वीर हणमंतवाडी भागात राहत असलेली सासू चंद्रसेना याच्या घरी आला. यावेळी रजनीकांत याने कोयत्याने सासू चंद्रसेना यांच्यावर हल्ला केला. इतकंच नाही तर, आपल्या ७ वर्षीय मुलावर देखील त्याने कोयत्याने वार केले. (Latur Latest Crime News)

या थरारक घटनेत सासू चंद्रसेना यांचा जागीच मृत्यू तर कार्तिक हा गंभीर जखमी झाला. घटनेनंतर रजनीकांत वेदपाठक याने स्वतः वर पेट्रोल टाकून जाळून घेतले. आरोपी रजनीकांत याची पत्नी एका खाजगी दुकानात कामाला होती. सदरील घटनेची माहिती मिळताच ती घटनास्थळी दाखल झाली. या घटनेने लातूर शहरात खळबळ उडाली आहे.

Edited By - Satish Daud